iPhone 6 / 6+終於都出喇!果粉、炒家,都等左呢一日好耐啦,當然唔會錯過啦。身邊總有大班朋友、親戚,唔想炒價買 iPhone。如果幫女神撲倒機,可能仲有意外收鑊添!識得玩,緊係揀番張啱O既信用卡,賺返啲現金回贈、又或者賺番啲里數換張免費機票,都爽到無朋友啦!
1. 匯豐簽 $20,000 回 $1,000
於 9 月 2 日至 10 月 19 日期間,用匯豐信用卡登記及簽賬滿 $20,000,可享額外 $1,000 獎賞錢,可以換倒 15,000 Asia Miles,免費飛轉台北話咁易;$10,000 至 $19,999,則可享額外 $400 獎賞錢,而 $6,000 至 $9,999 就有 $100獎賞錢,無論網上或門市簽賬都計算在內,不過記得每筆交易要 $500 以上先計喎。
2. 建行 VISA/Master 簽 $100 賺 939 分
首 16,000 名於 8 月 4 日至 9 月 30 日登記,在推廣期 8 月 1 日至 9 月 30 日,每月簽滿 $4,500 可獲 3 倍積分;$4,501 起每 $100 可獲 939 積分。推廣期內,每月最多額外 75,000 分,「食盡」回贈大約簽 $12,400,即係大約 2 部 iPhone 6 / 6+ 就夠數啦。咁簽夠可以換乜?接近 $300 的現金回贈,或者 4,724 Asia Miles 飛行里數架!
值得一提的是,該行有款 eye VISA 信用卡,若用作網上購物,會有額外 4 倍積分,可連同此優惠使用,抵上加抵!
3. 建行銀聯雙幣卡額外 5 倍分
$100 939 積分優惠只適用中國建設銀行(亞洲)之 VISA 及 MasterCard,但有該行銀聯雙幣信用卡嘅話,就可以玩另一推廣,推廣期同樣至 9 月 30 日登記。登記後,用中國建設銀行(亞洲)銀聯雙幣信用卡,簽夠 $2,000,其後的中國內地及香港簽賬,就可享額外 5 倍積分,額外積分上限達 150,000 分!唔計首 $2,000 嘅話,即係有高達 2.4% 現金回贈、或 $2.5 就有 1 Asia Miles 飛行里數。
4. 東亞信用卡 3% 回贈
東亞信用卡客戶,登記簽賬月月賞優惠,簽滿 $5,000 的話,當月可獲 $150 額外現金回贈。若於 2014 年 12 月 31 前,合共簽賬滿 $10,000,可獲額外 $100 現金回贈。如於網上登記,更有機會獲網上登記獎賞,贏 $5,000現金回贈。
5. 渣打信用卡網購回 3%
有渣打、Manhattan 信用卡的話,7 月 1 日至 9 月 30 日,網上簽賬或海外簽賬 $5,000 或以上,便可享 3% 回贈,每月最多 $150 回贈,即係任何一部 iPhone 6 或 iPhone 6+ 都已經「打爆」。
不過,以上部分推廣嘅優期只係去到 9 月 30 日,若果網上訂要等 2 至 3 個星期出貨,Apple 一般會出貨日前後 1 日過數,咁就未必符合有關要求喇!