如果大家覺得有錢係手先係較穩陣，想唱定哂啲日圓先出發的話，建議大家先到 hk.ttrate 網站 (按此查看)，睇一睇各大銀行和兌換的港元兌日元現鈔賣出價。雖然好多時都係百年找換店最平，但用戶只可到中環換錢，而且成日都排長龍，HK Finance Jetso 建議大家可以去各大銀行換，如果不是換幾十萬 Yen 的話，其實相差並唔係太遠，可能車錢同時間都係番到。
港元換日圓主要都係睇銀行的賣出價，當中包括「電匯賣出」(即從外幣戶口兌換)及「現鈔賣出」(即沒有外幣戶口，用現金去換)，而電匯賣出價一般會比現鈔價較抵。各位，可考慮低價時經網上銀行，買入日圓至外幣戶口，之後先再到銀行取現金，呢個方法一般都係最抵。
唔知係咪多人去日本旅行的關係，銀行分行內的日圓現鈔其實並不多，銀行未必即日有足夠日圓供應。各位可先經電話、網上跟銀行預訂外幣現鈔，再到指定分行領取，一般隔兩至三日就可提款。
