銀通 Jetco Pay P2P 多個重點你要知（下）

銀通 Jetco Pay P2P 免費流動跨銀行轉賬平台，已經投入服務啦！之前就為大家講左6個用Jetco Pay 嘅重點，宜家再講多少少俾大家！

7。一個手機號碼可以玩幾多個戶口？

暫時4個。首先一個手機號碼，只可以登記一個收款銀行戶口；但一個手機號碼，可以同時登記中信、上商、永隆共 3 間提供支付服務的銀行戶口。如果你有多個 JETCO Pay app 轉換指定收款賬戶前，你需先使用在主頁面的切換鍵或側選單停止使用現有的指定收款賬戶。

8。平板機可以登記嗎？

不可以。Jetco Pay P2P 或 Jetco Pay P2P Collect 手機 app 必須要手機號碼登記，如果你係平板手機又有個手機號碼就得囉！

9。轉賬夠唔夠安全先？

手機 app 輸入 PIN 密碼的時候，PIN 數字介面係會隨機更改位置，使身邊人唔會因為睇到個位pattern 而知道你的密碼；而所有轉賬都係 end to end encryption 點對點加密進行。

10。唔見左手機安全嗎？

Jetco Pay P2P 轉賬，不論支付或收取款項，用戶皆需要輸入 PIN 密碼，而個PIN 係唔會存在手機裡，所以即使唔見咗部手機，都偷唔到你個 PIN 密碼從而盜用轉賬功能。一旦遺失手機，都要立即向銀行跟進，取消 P2P 服務！

11。轉錯賬可以點搞？

銀通表示：不會轉錯賬！皆因你要預先將朋友的手機號碼輸入到手機 app 入面的 pay list，除非咁巧合你輸入錯誤號碼，而該號碼用戶又巧合有 Jetco Pay P2P / Collect app，而且佢收到轉錯賬通知時又不誠實地接受了轉賬服務，如果真是咁，你要搵銀通幫忙喇！

12。會唔會有跨境服務？

計劃最快可於明年追加跨境服務，最先應該會係澳門推行，屆時或會支援葡幣轉賬。目前 Jetco Pay P2P 平台只支援港元轉賬服務。

13。完全免費？

「是！」換言之你可以藉此服務，免費跨銀行轉賬，上限兩日 $3,000！

14。朋友間進行交易需要雙方 24 小時認證嗎?

當然不需要，只有八達通 O!ePay 才需要這樣。

15。可以取消戶口嗎？

絕對可以。