講到旅行，應該無乜人會唔鍾意，用盡各種方法令到旅程變得著數過人，亦是唔少朋友好熱衷嘅一個話題，儲里數 就是其中一種。將支出轉換成里數，用來換機票去旅行，相信有換過的朋友都會覺得正到無朋友！申請「亞洲萬里通」應該好多人都識，但係係邊到可以儲里數，相信未必所有都清楚，以下有超過 10 個賺里數的方法，你又知不知道呢？
1｜用信用卡八達通自動增值 來儲 飛行里數
用信用卡八達通自動增值 來儲 飛行里數 相信好多人都識架啦，我都唔多講，想知邊張卡最正可以睇睇【八達通自動增值 儲 飛行里數 信用卡比較】，我地同大家做左個比較，大家一睇就知邊張最好啦！
2｜唱K 賺里數
於灣仔、銅鑼灣、尖沙咀、旺角及觀塘都有分店的 RedMR紅人派對 單一帳單最低消費$800，最高消費$30,000，於結帳時出示「亞洲萬里通」RedMR紅人派對會員卡，即可以每$10賺1里數，即係最多一次可購3,000里！
3｜旅行 BOOK 酒店賺里數
去旅行通常都會訂酒店，只要大家在 Agoda.com 預訂及確認酒店，選擇 PointsMax 優惠套餐並完成住宿，或透過Expedia、Hotels.com(不包括稅費及手續費) 預訂酒店並完成住宿，都可以每 $10 賺 2 里數。以去台北 1 晚平均大概 $400，住 4 晚就可賺到 320 里數。如果透過Ctrip預訂酒店住宿，亦可以每人民幣 20 元賺取 3 里！
4｜寫旅遊評論賺里數
在全球最大的旅遊網站TripAdvisor可找到住宿、景點、餐廳等優惠選擇，原來以繁體中文在網站撰寫評論，就可以賺取里數，每則評論最多50，更指每月可高達1,500！
5｜空中購物賺里數
透過港龍航空空中免稅品銷售服務於機上選購《emporium》各種產品，或選購《emporium》府上送貨服務產品，以單一發票計算每次淨額消費滿$500或以上，就可以每$5賺1里數。另外，於國泰航空機上選購《Discover the shop》各種產品，或選購府上送貨服務產品，以單一發票計算每次淨額消費滿$500或以上，一樣可以每$5賺1里數。如果你用嘅係 American Express 國泰信用卡，買滿$500或以上，仲可以得到$5 = 2里優惠添！真係好抵呀！如果你仲未有呢張卡，就快啲申請返一張 【美國運通國泰航空尊尚信用咭】 啦。
6｜入油賺里數
有車人士，入油真係唔少得，如果打爆油缸同時儲埋里數都咪話唔爽！參加 Smiles 車主獎賞計劃，填妥「亞洲萬里通」里數轉換表格並交回任何 Esso油站 及全港任何東方石油油站，之後就可將 Smiles 積分轉換為「亞洲萬里通」里數，每 5 Smiles 積分可賺1里數。
7｜過澳門都有得賺里數
除了搭飛機有得儲里數，搭船都一樣得！以正價購買香港(上環)來往澳門之噴射飛航單程船票，每張尊豪位單程船票可賺 200 里數。以正價購買香港(上環/九龍/屯門)來往澳門來回船票，每套豪華位來回船票可賺150里數、每套普通位來回船票可賺80里數。
8｜跳笨豬跳都有得賺里數？
過大海去澳門旅遊塔購買1次笨豬跳、高飛跳或百步登天體驗，都可賺1,000里數。若購買1次空中漫步X版及石岩攀爬體驗，則可賺500里數，真係又有得玩又有得賺！
9｜坐昂坪360都可賺里數 高達2,800里數
只要購買由昂坪360推出的「大嶼山文化探索之旅」導賞團套票，標準車廂可賺200里數、水晶車廂250里數。參加360大嶼山黃昏寫意導賞團的話，標準車廂可賺400里數、水晶車廂450里數。購買360「尊享號」私人包廂套票，標準車廂可賺2,200里數、水晶車廂2,800里數！
10｜買 服裝鞋履 賺里數 每$8有5里數
於指定的Columbia，Aerosole同埋Rockport專門店內選購貨品，每次淨價消費滿$500（香港）或500澳門元（澳門），不包括低於85折的貨品，即可以每$8賺取5里數，添置新裝備的同時又可以為下個旅程儲定里數。你只需要喺埋單時出示會員卡就可以得到呢個優惠！有時用Asia Miles會員卡仲可以有額外折扣添 。所以大家去Shopping記得要拎你既Asia Miles 會員卡啦！
11｜買化妝品都有里數賺
而家喺 Clarins 同 mTm 買嘢出示 Asia Miles會員卡，都會有$8 = 5里嘅優惠，喺 Guerlain買嘢則有$8 = 1里嘅優惠！Clarins同mTm最低消費為$500，而Guerlain最低消費則為$1,600。
12｜睇貿發局展覽賺里數
好少人會估到嘅係，原來大家去貿發局嘅展覽都可以賺到飛行里數！例如家庭用品展、資訊科技展、禮品展同美食展都有 250～750 里數送俾你！想知申請方法，就繼續睇埋啦！
- 會員須於每個展覽會舉行前到香港貿易發展局展之網頁登記成為買家。
- 收到香港貿易發展局之確認電郵後，在指定限期前到有關網頁為相關之展覽會辦理登記手續，方可賺取里數。
- 請到買家推廣櫃檯 / 買家團服務櫃檯出示你的「亞洲萬里通」會員卡及個人名片辦理登記，以確認入場記錄及獲取展覽會之確認收條。
13｜Reebonz.com.hk名牌網購賺里數
只要你在Reebonz.com.hk選購產品，每 $3 就能換到1飛行里數，但要注意首先你要登記成為香港Reebonz會員，並在 註冊網頁 輸入已登記的會員電郵、「亞洲萬里通」會員號碼及其他相關資料，就可以賺取飛行里數啦！
14｜百佳易賞錢都可變里數
唔知大家知唔知，易賞錢都可以轉做里數？易賞錢喺百佳、Watson’s同豐澤都有得儲，儲每 400 易賞錢積分都可以換100里數！你只需要喺換之前喺Asia Miles網頁將帳戶連落易賞錢Account度就可以喇！
15｜洗衫越洗越多里數
我哋經常都會幫襯洗衣店嘅乾洗服務，而你估唔到嘅係，洗衫都可以賺到里數！而家大家只要去雅潔洗衣店洗衫滿$150，每$8就可以換到5里，大家只要喺洗衫之前向店鋪出示你的亞洲萬里通會員卡就得喇！
16｜網購轉運服務 積分變里數
由2016年5月6日起使用DimBuy轉運服務，每消費1港幣或1人民幣可獲1「點積分」，500「點積分」可兌換為100里數，運得多賞得多！新會員首次使用DimBuy轉運服務更可賺取額外100里數，幫您早日出發旅行鬆一鬆！
伸 延 閱 讀
里 數 信 用 卡 推 介
立即申請東亞銀行 Flyer World 萬事達卡 （低至＄4/里）
立即申請渣打亞洲萬里通萬事達卡 （迎新低至＄0.5/里）
如 想 更 快 知 道 更 多 Jetso, 請 like 我們 facebook page
https://www.facebook.com/hkfinjetso