八達通正式開通左 O!ePay 好易畀服務，今次並且同渣打銀行合作提供優惠，最高回贈達 $250，但點樣先可以拎到呢＄250呢，究竟登記 O!ePay 配合渣打服務，係咪真係咁筍先？HK Finance Jetso 就為大家深入了解下啦！
點樣先可以拎到呢＄250呢？
八達通 O!ePay 與渣打銀行合作提供優惠，成功申請者最高可獲 $250 回贈。不過，要成功拎到呢個回贈，首先大家要透過網上同時開立綜合存款戶口，並由渣打網上/流動理財轉入 $100 到八達通 O!ePay 賬戶一次，才可享 $250 現金回贈。咁現有客戶有冇先？大家要留意啦，現有渣打網上/流動理財客戶轉入 $100 到八達通 O!ePay 賬戶一次，只可享 $50 現金回贈。點解又係新客仔有更多優惠呢？其實我地 check 過網上開立渣打銀行綜合存款戶口，本身已可享 $200 現金回贈！咁即係代表，一次過申請兩個服務，並沒有額外優惠。
幾時先收到現金回贈？
無論係新客戶 $250 或是舊客仔 $50 現金回贈，都唔係即刻存入客戶銀行戶口。如果係 2016 年 4 月 20 日至 2016 年 5 月 31 日執行 O!ePay 賬戶轉賬，要 2016 年 6 月底才有現金回贈。如 O!ePay 賬戶轉賬於 2016 年 6 月 1 日至 30 日進行的話，現金回贈更要等到 2016 年 7 月底先有。
名額有限
八達通 O!ePay 好易畀與渣打銀行合作提供優惠，最高回贈達 $250，但並非無限額的，細則指獎賞以先到先得形式計算，並只限首50,000 名合資格客戶。
登記完係咪即刻用到？
當大家登記完以為可以即刻為 O!ePay 帳號增值，但卻發現系統顯示無法增值，原因是基於保安理由，網上轉賬上限設為 $0，客戶需填寫更改表格，並交回或寄回渣打銀行，再等 3 個工作天，先可以使用。雖然係麻煩少少，要等幾日先可以用，但呢個都係基於保安理由，為大家客人著想，都值得。
相關閱讀
>>八達通下周推新服務 O!ePay 好易畀P2P 轉賬！夾錢從此更方便
如想更快知道更多 Jetso, 請 like 我們 facebook page
https://www.facebook.com/hkfinjetso