唔少人都想去半島酒店食自助餐，但太貴好多人都唔捨得！不過 HK Finance Jetso 又搵到著數野俾大家！香港半島酒店露台餐廳即日起搞「露台餐廳：周六闔家同樂」優惠，自助午餐 65 折。以半島酒店周六日露台餐廳的自助午餐成人正價 $788 計，65 折即係減約 $275！
不過，唔係人人都可以享受優惠！咁點先有呢？就係一位 65 歲以下客人，帶同最多兩位 65 歲以上長者惠顧露台餐廳自助午餐，長者才可享 65 折優惠。至於 65 歲以下的朋友，一樣要付正價；3 歲至 11 歲小童就可以 $578 享用自助午餐。雖然只限 65 歲長者才有 65 折，而且要有 65 歲以下成人陪同，但如果請老人家去食番餐好，一樣係好抵，HK Finance Jetso 即刻同你計計：
假設：你一個大人帶住兩位老人家去食自助午餐，兩位老人家係 65 歲以上
正價：$788 x 3（3 位成人正價）= $2,364（另有加一服務費）
特價：$788 x 1（1 位成人正價）+ $512.2 x 2（兩位長者特價）= $1,812.4（另有加一服務費）
計一計都可以慳到五百幾蚊，都差唔多可以俾多個小朋友。但留意，優惠都有唔少限制，除只適用於露台餐廳周六日之自助午餐外，一啲特別日子例如：5 月 8 日母親節、6 月 19 日父親節都不適用；優惠期至 9 月 30 日。另外，每檯客人只可享優惠一次，不能與其他推廣或禮券一起使用；客人想享受優惠亦要出示其生日證明。
相關閱讀
>>自助餐低至75折！Citibank 信用卡九龍香格里拉大酒店限時優惠
如想更快知道更多 Jetso, 請 like 我們 facebook page
https://www.facebook.com/hkfinjetso