Tap & Go 又有新一輪的優惠，可以話係「派錢」吸客。香港電訊（HKT）旗下的 Tag & Go 拍住賞電子錢包，今日起擴大至全港手機用戶均可使用。即使你唔係 csl 或 1010 手機客戶，亦可憑任何一個網絡商的上台手機號碼，登記成為拍住賞用戶，並取得「拍住賞」實體卡一張【想知「拍住賞」實體卡詳情就按此】。現時，iPhone 及其他非 NFC Android 手機用戶，均可享用拍住賞錢包。Tap & Go 為左推廣呢項服務，推出左好多唔同的新優惠，我地 HK Finance Jetso 列出多個著數優惠俾大家參考下：
1) 新登記客戶即獲 $50
由即日起至 2016 年 2 月 15 日，所有 Tap & Go 拍住賞新登記客戶均可獲贈港幣 $50 的即時獎賞，並自動存入其名下的拍住賞帳戶內。每位客戶只要憑身份證，帶 5 張任何網絡商的上台 SIM 卡開設 5 個拍住賞帳戶，惟每一個身份證只可享有一次 $50 即時獎賞。
咁點樣申請「拍住賞」呢？閣下要親臨香港電訊、csl 或 1010 各專門店辦理登記，並出示香港身份證、住址證明及任何一家流動網絡商的有效香港流動電話號碼，便可免費取得「拍住賞」卡。客戶之後要下載《拍住賞》手機錢包 App、輸入香港身份證號碼及掃描「拍住賞」卡背面的 QR 條碼作客戶身份驗證，以及輸入經短訊發送的一次性密碼，即可啟動「拍住賞」卡。成個流程會唔會等好耐呢? 其實只係大約需時 5 分鐘左右，而 $50 即時獎賞就會自動存入帳戶內。
2) 即獲 50 分 The Club 積分
新客戶登記拍住賞，除左有 $50 即時獎賞，仲會自動成為 The Club 會員，並獲得 50 Club 積分。The Club 積分有乜用？簡單講就係可以上去佢地官網換禮物。呢個著數抵唔抵，就見仁見智啦！
3) 累積消費 5 日再派錢
登記完 Tap & Go，就梗係想你繼續用呢個「錢包」啦！每累積消費 5 日，即再派錢。詳情係點呢？由 12 月 16 日至 2016 年 2 月 15 日，所有現有或新拍住賞客戶於推廣期內，累積 5 天使用拍住賞消費，而每日總消費額達 $50 或以上（包括本地或海外商戶及網上消費），即可享 $30 消費獎賞。獎賞金額將於 2016 年 2 月 29 日前自動注入帳戶內，而每個客戶於推廣期內，最多可累積 $300 消費獎賞。
4) 淘滿 $200 可享 $100
Tap & Go 同淘寶合作嘅呢個著數優惠，已經唔係新嘢，但呢個著數優惠到今年底就完結啦。憑拍住賞於推廣期內（即日起至 12 月 31 日）在淘寶網完成首次交易金額滿 $200，拍住賞將回贈 $100（包括 $82 拍住賞及人民幣 15 元淘寶紅包）。推廣期內使用拍住賞於淘寶購物，每次可獲 1.5% 服務費回贈。
5) Pacific Coffee 即減 $5
由即日起至 12 月 31 日，到全線 Pacific Coffee 以 Tap & Go 拍住賞買任何手調飲品，即減 $5。
6) Tap & Go 客戶專享 759 阿信屋優惠
Tap & Go 拍住賞跟 759 阿信屋合作，將於本周五（12 月 18 日）舉行拍住賞用戶專享的「6688 折」優惠。詳情已公布，可睇睇Tap & Go 拍住賞 X 759 阿信屋 6688 優惠。
7) Tap & Go 客戶專享 聖安娜餅屋 一拍再享88折優惠
Tap & Go 拍住賞 同聖安娜餅屋合作，由即日起至12 月31 日，只要大家購買指定產品，用 拍住賞一拍再享88折優惠。
